No túmulo de Juana de Castro, irmã de Inês, louvor e simplificação de Galiza-a-própria, que não precisa de crescer

Ti diz: Galicia é ben pequena. Eu digoche: Galicia é un mundo. Cada terra é como si fora o mundo inteiro. Poderala andar en pouco tempo do Norte para o Sul, do Este para o Oeste noutro tanto; poderala volver andar outra vez e máis! nona has dar andado. E de cada vez que a andes, has atopar cousas novas e outras has botar de menos. Pode ela ser pequena en extensión; en fundura, en entidade, é tan grande como queiras, e dende logo, moito meirande de como ti a ves.? Non din os filósofos que o home é o 'microcosmos', o compendio, o resume do universo todo? Pra canto mais unha terra con todolos homes que nela viven, un pobo, que se cadra, é unha sorte de Adam Kadmon... Do grandor do teu esprito depende todo; canto máis pequeno sexa, mais terra precisará. Sí o teu pensar é fondo, a túa terra, pra ti, non terá cabo, nela estará o mundo todo con tódolos seus climas. Sí o teu pensar se detén na codía das cousas, non digas tampouco: Galícia é ben pequena; és ti, que endexamais poderás concebir nada grande.

Vicente Risco